بقلم : زهير التميمي

بس أنته ماجيت..

وتغير الحال
وصرت اعاني
بغيابك..جمر
لهّاب كل صيف
وبقربك جليد
أنه واجاني
يمن سويت لك واحه
بوسط روح
وزرعت الروح
لجلك عطر قاني
تعال وشوف
شنو اشسوى الغياب
حُفر سوه بخدودي
ووجهي ثاني
بعيون المرايا
صرت غير انسان
واندثرت ضحكتي
وكل حناني
ماتعرفني صّدگ
لو تجي بيوم
ملامح غضة راحت
من جفاني
مثل زهره وجفاها الماي ايام
شتصور تظل زهره وتتاني
أنه بدونك جسد..
مابي كل روح
ميت من زمان
وعمري فاني
تعال وشوف
وانسى الصار والراح
واخذ گلبي لحنانك
فد ثواني
واذا ترجع..مطر
تسگيني فد يوم
تطگ بروحي وردات
الأماني..