بقلم :غادة الشرقاوي 

من اكتر المواضيع الجميله اللي ملهاش اخر عندي وبعتبرها اسلوب حياه وفن وحاجه عظمه كده ومش هيكفيني فيها مقال واحد .
اولا لازم تكون مستمع جيد جدا.
كل ما تسمع كل ما تفهم وهتلاقي معلومه هتفيدك بين السطور ممكن مش مهمه لغيرك بس مهمه ليك .
حاول تكون سريع البديهة ف الرد او ف التعبير او حتي ف طريقه انسحابك من الموقف او الحوار
اياك ثم اياك من الغرور الانسان المغرور ده انسان فاضي من جواه معندوش محتوي غير الغرور بنفسه وبس .
تقبل النقد ورأيي الاخرين فيك حتي لو الكلام مش صح .اصبر واسمع للاخر وتاكد ان افعالك هتكون اكبر رد علي رأيهم فيك وساعتها اتفرج ع الانبهار بيك من بعيد .
مفيش حد محترم عشان ابن فلان ولا علان ولا انا ابن مين .انت حلو لنفسك وحش لنفسك محترم هتتشال ع الراس. غير كده متزعلش باه …يبقي بلاش التفاخر بأسماء حد من عيلتك صدقني الاسلوب ده بيقلل من صاحبه اوي
اما حد يأمنك ع سر احفظه لو مش اده بلاش تعمل جدع وتحلف بأيمنات الدنيا انك مقولتش لحد وانت خاربها .
السر ده أمانه لازم تكون صادق مع اللي أمنك ع حاله ولا حاجه تخصه مش يمكن انت امانه اللي بيحس معاه بالراحه .
اوعي تطلع ندل مع حد احتاجك ف ازمه ولا مشكله وانت تسيبه وتمشي ولا تقول ف سرك وانا مالي صدقني الدنيا انهارده عنده بكره عندك هتلف وتجيلك وساعتها ابقي قابلني لو حد عبرك .
استنوني ف المقاله الجايه للحديث بقيه 🚶🏼‍♀️