بقلم : الدكتورة غادة الشرقاوى

أيوه هنزعل علي العمر اللي بيتسرق مننا واحنا مش حاسين وعمالين نسقف بين مؤيد ومعارض وخلاص بتفكروني بالقرد اللعبه بتاع زمان .كل ما نشغله بيسقف وخلاص____ في جيل طالع من بيوتنا حيران مش فاهم حاجه ولا عندهم ثوابت في حياتهم ولا محظورات والدنيا ماشيه معاهم بالبركه هما اللي بيحطوا قوانين حياتهم وحاجه فل كده كأننا في كوكب معمول عموله لجيل جديد مالوش اهل ولا اصول ..طب سؤال وهسيب اجابته مع كل واحد فيكم ليه نسبه الطلاق زادت اوي عن زمان او ايام امهاتنا ونسبه العنوسه وبطاله الشباب وقعدتهم ع القهاوي وف الشارع للفجر _ حتي الخلفه والحمل تلاقي البنت من دول تتجوز تقولك هأجل الحمل لما اشوف العريس ده ينفع ولا لأه والعريس المحترم يقول انا عاوز اعمل مستقبلي الاول وعندي طموح  والاطفال مسؤليه مش جاهز ليها . ده غير انه طول الوقت خايف العروسه تطلب الطلاق وتاخد القايمه اللي دفع فيها دم قلبه __ وكأن الجواز اتحول فجأه لعمليه حسابيه تجاريه بحته هي هتاخد منه ايه وهو هيحرمها من ايه .

الجواز حلال والطلاق ابغض الحلال مش نهايه الكون ولا لازم كل واحد يحط التاني في مفرمه عشان يحس ان هو الكسبان ونفضل نفصص في الكتب والاحاديث ونطلع بلغه جديده علينا اسمها ملزمه ومش ملزمه

…….يا جماعه مش كده ولادنا في خطر شبابنا هتضيع جيل ومستقبل احنا بنحكم عليه بالفشل

ونرجع نزعل