بقلم : ريهام محمود

خليك فى حالك

لا الزوجه تتكلم عن سيده أخرى مع زوجها

و لا الزوج يتكلم عن رجل آخر مع زوجته

لا الزوجه تتكلم عن رجل آخر مع زوجها

و لا الزوج يتكلم عن ست تانيه مع زوجته

ده باب فتن كبييير

يفتح تفكير فى حد غريب كتيير

يفتح تخيلات و يفتح مقارنات

و شوف ده عمل ايه لمراته و دى عملت ايه لحماتها

و لو حد فيهم قال اى مقارنه

التانى حيعلن عليه  فتح الناار زى التتار

و يقول انت مقصر و شوف فلان و علان

السؤال بقى

انتم  اساسا بتقعدوا  مع بعض فى اليوم قد ايه

لما يكون كلامكم  كله ع خلق الله

مش تهتموا بحالكم  احسن

وتكلموا عن نفسكم أفضل

حتى تعملى لنفسك ترويج عند زوجك

و تقولى انجازاتك من طبيخ و غسيل و مذاكرة للعيال

و لا خلاص مش شايفين فى نفسنا اننا حتى نستحق نتكلم عننا

والله الكلام عن الناس مش بيجيب إلا وجع القلب

و الكلام عن نفسنا بايجابيه بيجيب حب القلب

وكل واحد و اللى يحب يكون فيه قلبه