بقلم : مى رجب

حابب تبقى مشهور

سهلهالجنس,مجلة,مصر

ورقه وقلم واكتب ورايا

ولا اقولك ….. مش محتاج ورقه وقلم

افتح بس كاميرا الموبايل الاماميه واعمل كليب اتريق فيه ع اى حاجه بس خلى بالك …. اوعى تختار اى موضوع والسلام

لازم الموضوع يكون جامد

تشتم بلدك ….. تتكلم فى الجنس ….. او تتصور عريان

كده انت بقيت تريند

الامثله عندنا كتير ومتنوعه

فيه اللى استخدم حياته الشخصيه ماده للاعلام واصبح هو وزوجتخ اداة عرض لا اكثر

ومنهم من لقب بعدو المرأه بحيث انه يوضح فى كل فيديو دونية هذه المخلوقه

ومنهم من استخدم صوته السئ وغنى لمشاهير الوطن العربى

للاسف الاستخدام السئ للسوشيال ميديا مش قادرين نسيطر عليه بالرغم من ان السوشيال ميديا كان لها دور كبير فى اكتشاف مواهب حقيقيه ومحبوبه

لكن لو قارنا عدد مشاهدات النماذج السيئه بمشاهدات النماذج المحترمه هنلاقى فرق كبير اوى

يمكن لان السئ طاغى

اولان المشاهد حابب يفصل دماغه

او لان المحتوى الهادف اصبح غير جاذب لاى جمهور

السبب الحقيقى مش معروف

لكن اللى نقدر نعمله ان كل واحد فينا يقدر يسيطر على نفسه وعلى استخدامه على الانترنت