كتبت ـ أسماء مراد

كلنا نعرف الخرافات التي نشانا عليها الموجوده منذ اجدادنا منها الحقيقه و منها الكاذب  و الضاره ولكن معظم الناس  تصدق هذا الخرافات و يعلمونها  الي اولادهم باعتقادهم  انها سوف تفيدهم في المستقبل و لكن هذا ليس صحيح و عندما يقوم شخص ما بعمل هذه الخرفات بالفعل تحقق مراده ولكن بعد ذلك تسلب منه بطريقه وحشيه.

وان الله يعلم الجميع درسا قاسيا لكل من يمشي في هذا الطريق لا فائده منه ولا يستطيع ان يحمي نفسه او من حوله من التعب و الموت و سوف نروي لكم في هذا القصه فتاه قامت بتدمير عائلتها بسبب الخرافات

أنا راشا عندي 30سنة متزوجة من 5سنوات ومن وقت زواجي وأنا زي  اي ست نفسي يبقا عندي بيت مليء بالأولاد من زوج صالح فضلت طول الفترة دي من أول سنة زواج وانا وزوجي كل أسبوع عند دكتور منهم اللي قال لي عندك مشكلة في البويضة واللي قال إني عندي مشكلة في الرحم وكل واحد منهم عنده تشخيص مختلف عن الثاني خت أدوية  كتير حتي زوجي وفي مرة   وأحنا في زيارة للبلد بلدنا بلد ارياف وكدا المهم في عادة كدا منتشرة بين الكل ف البلد ان الست اللي عندها مشكلة في الخلفة تروح المقابر بالليل انا كنت رافضة الزيارة دي بس انا كنت خلاص تملك مني اليأس قلت لنفسي أنا هجرب وفعلا رحت أنا واخت جوزي  من بعد اساعة 12صباحاً وخدنا معانا عيش كتير زي ما اتقال لينا وفضلنا نقطع العيش قطع صغيرة ونحطة في أركان المقابر ولفينا المقابر كلها الموضوع مكنش سهل زي ما انتوا متخيلين بالعكس انا كنت هموت من الرعب بس اللي كان مصبرني اخت زوجي  وكانت كل ما يبان عليا الخوف تقولي ربنا يجعلوا بفايدة وعدت الليلة علي خير الحمد لله وبعدها بفترة حصل الحمل فترة الحمل كانت صعبة اوي عليا كان فيها ارهاق وتعب رهيب بس انا كنت بستحمل وبحمد ربنا علي النعمة دي كفايا فرحتي انا وزوجي بالحمل ده والحمد لله جبنا نونو صغير ولد بس من بعد الولادة وكل حاجه اتقلبت رأس علي عقب

بسيب الطفل نايم واعمل اللي ورايه في البيت دي فرصة لن تتعوض كلنا عارفين قيمة الفرصة دي بس كان في حاجه غريبة بتحصل اول ما برجع ابص علي ابني بلقيه عرقان خالص وفي زي نمش كدا علي وشه بس كبير شوية جربت اجيب منديل وامسحه اتمسح علي طول من غير مجهود مني بس مش ده الغريب ف الموضوع الغريب هنا اني كنت لما برفع ابني بلاقي نمل كتير تحت منه ومش مره ولا اتنين لا كتير جدا غيرت مكان الطفل بقيت الاقي النمل في هدومة بس ولا مره كان بيقرصة ولا حتي ف آثار للنمل ع جسمه

كل ده كنت بتخطاه ولا مره ربط الأحداث ببعض وفي يوم من غير سبب صحيت اطمن علي أبني لقيت خيال أسود طويــــل جداً موطي علي سرير أبني كأنه كان بيتفرج علي أبني أول ماشفت المنظر جريت علي ابني وخته في حضني ماركزتش إذا كان اختفي ولا لسة موجود انا خته وسبت الاوضة علي طول الخيال ده بقيت اشوفه في كل مكان الطفل متواجد فيه شغلت القرآن وعملت كل حاجه تخليني انا وابني بعاد عن الخيال الأسود ده لكن كل ده جي بالفشل   بعدها بكام يوم للأسف أبني توفي بدون سبب ومن وقتها وأنا في حالة هيستيرية وبحاول افهم كل اللي حواليا ان زيارتي للمقابر والمشي وراء الخرافات هي اللي خلتني اعيش أنا وابني في جحيم طول الفترة دي كلها.