يناير مش بوست

ولا صورة عليها شاركت

يومها في الميدان

يناير حلم جيل

كان كاتمه السكات

ظلم ومع شويه استعباد

كفر الشعب بكل قيودة

وللحرية فتح بيبانه

وقال حي علي الميدان

خرج الورد وفتح في جناينك

يابهية رواه بدمه وماقالش اااااه

دا اللي قاله   عيش   حرية    عدالة اجتماعية

مات صاحبي وعاش حلمه يكابر في عناد

واب وام قلبهم من نار الفرقة انكوي راح السند

راح الولد

ودبل الورد وجفت عيدانه

كداب اللي قال بطنك يابهية ارض بور ولو قتلوا الأمل ابدا مايموت الولد