بقلم الدكتورة : غادة الشرقاوى

…هقولك كلام مش من فراغ ولا تحيز للستات ابدا ده من واقع تجارب وحكايات كتيره وعشتها مع اصحابها

…دايمًا وأبدًا هشوف بداية خيط الزواج الناجح في إيد الزوج ، ودايمًا هفضل مقتنع أن الراجل في إيده يخلي بيته جنة

أو يخليه جهنم الحمرا ، آه العلاقة الناجحة مش كلها على كتف حد ولازم السهم يكون رايح جي ، بس البداية في إيد الراجل ،  المرأة بطبيعتها حذرة ، ورسول الله – صلى الله عليه وسلم – لما قال اتقوا الله في الضعيفين : المرأة واليتيم ، مكنش من فراغ ولا عبث ، هي تكوينها كدا وطبيعتها كدا وفطرتها كدا

وجعل القوامة في إيد حضرتك مش القوامة المادية بس والإنفاق ، وإنما جعل لك مسئولية حمايتها وحفظها وجعل الموت في الدفاع عن عرضها شهادة ، كل دا برده مش من فراغ ، ولكن عشان ينبه حضرتك أن المرأة كائن حساس وضعيف وجمال الإنوثة في البنت في كمال ضعفها وعاطفتها

فلو فهمت تركبيتها هتعرف تتعامل ولو عرفت تتعامل

بقت زي الخاتم في صباعك

البنت بتيجي بالكلام الحلو

بتيجي بالحنية

بتيجي بالطبطبة

بتيجي بشعورها أنها مقبولة ومرغوبة

بتيجي بالدلع والكلام الحلو تاني

بتيجي بالاهتمام

بتيجي بأنك تشعرها أنها الأولى والأخيرة ” حتى لو بتكذب عادي ”

الجفا وقلة الاهتمام والبُعد وعدم التقدير

بيطفوها ولو اطفت فنور بيتك كمان اطفى لأن البيت قايم على كتفها أصلا ، فأنت الي بإيدك تخلي بيتك منور وجميل

أو تخلي بيتك مظلم وكئيب ‘) ..

بعجب حقيقي لما بلاقي راجل مش عارف يتعامل مع زوجته

الي هو يحاول يكسبت ودها وضحكتها وشعورها بالآمان إتجاهك

هي مش حرب وداخلين نشوف مين هينتصر

خفض الجناح والتغافل من أهم ما يقيم البيوت .

دمتم بسعاده وحب وراحه ودايما بقول :

عيشها بسعاده اصلها ملهاش اعاده