بقلم / شيماء ربيع

في عيد الأم أحب أقولك يا أمي انتي اهم واجمل استثمار في حياتي
في عيد الأم أحب أقولك يا أمي أني ما ليش غيرك يا نور العين وروح القلب
في عيد الأم أحب أقولك يا أمي أنك أجمل وأحن وأرق أم في الدنيا
في عيد الأم يا أمي أحب أقولك أنك علمتيني الحنان علمتيني العطاء علمتيني يعني أيه معني الأمومة بجد
في عيد الأم بقولك يا اغلي الناس أنتي أطيب وأحن واغلي الناس
في عيد الأم عايزة أقولك اني بحبك يا أحب الناس

مش شرط أني بقولك الكلام دا علشان عيد الام

الكلام دا عايزة أقولهولك في كل دقيقة وفي كل ثانية وفي كل لحظة وانتي إقدام عيني يا اغلي الناس

ربنا ما يحرمني منك ابدا وتفضلي جنبي ومعايا علطول

أدتيني كل حاجة حلوة الامان والحنان والعطاء

أمي يعني القلب الطيب
أمي رمز الحنان
أمي رمز العطاء
أمي معني الأمومة كلها
أمي هي كل الناس

خوفتي عليا من الدنيا كلها وحافظتي عليا من الناس ومن العالم كله
خوفك دائما كان في مصلحتي ولمصلحتي
وأنا كمان طلعت أخاف علي بنتي وأحافظ عليها زي ما أنتي خوفتي عليا وحافظتي عليا ربنا يحافظ عليكي يارب
ربنا يخليكي ليا يا أمي

الأم معني كبير ورمز كبير للأمن والأمان
من غير أمك أنت ضايع مكسور حزين
الام هي اللي بطبطب
الام هي اللي بتحنو عليك من شدة الايام
الام هي اللي بتحس بيك مش اي انسان

الام الحنينة رزق
أمي أطيب وأحن الناس
كانت بتخاف عليا من الدنيا كلها
عمرك ما خلتيني يا أمي أبات عند تيته من غيرك أو خالتو
كنت بستغرب
لما كبرت وبقيت أم عرفت انك كنتي صح وكنتي بتخافي عليا وما تتطمنيش غير وأنا أقدامك عنيك نايمة في سريري اقدامك
كان عندك حق في خوفك وأنك محواطني بخوفك وقلقك عليا وأهتمامك الزايد بيا
هي دي الام بجد اللي تهتم وتراقب وتحاسب وتعاقب
ياريت أمهات الأيام دي تبقي زيك يا أمي أنتي وتيته
زي يا أمي ما أتربيتي أنتي ربتيني
ربنا ما يحرمنيش منك يا ماما
أفضل أنادي أسمك طول حياتي
ويجعل يومي قبل يومك يا أمي
من غيرك أتوه وأتلخبط وأتلعثم في الكلام
من غيرك أضيع ما انتي طريقي وملجئ الوحيد
أنا من غيرك شاردة وضايعة
أنا من غيرك وحيدة مكسورة
ربنا ما يحرمني منك أبدا يا ست الناس ويا ست الحبايب
كل سنة وأنتي طيبة يا ماما
وكل سنة وكل أمهات مصر والعالم العربي طييبين وبخير وسعادة
يارب أحفظ كل أم تعبت وربت وكبرت وسهرت الليالي بدون مقابل من أجل أولادها
يارب احفظ كل أم محترمة ما عندهاش غير ولادها وبس في حياتها
يارب احفظ كل أم بتراعي ربنا في نفسها وفي أولادها
يارب احفظ امي الأم والزوجة الصالحة اللي ما شوفتش ولا هشوف زيها أبدا
أمي الشرف
أمي الحنان
أمي الطيبة
أمي الجدعنة
أمي المواساة
أمي القلب الطيب الرحيم
أمي أطيب وأحن السيدات في نظري
ربنا يحفظك ويخليكي ليا يا ماما
كل سنة وانتي طيبة يا ست الكل