الدكتورة غادة الشرقاوى تكتب : خدي بالك
الإثنين 22-05-2023 20:47
بقلم الدكتورة : غادة الشرقاوى
_ لو عايزه تكوني ناجحه في علاقاتك لازم تتعلمي تحطي حدود شخصيه في اي علاقه في حياتك واوعي تسكتي علي اهانه من حد ومتعديش اي خيانه .
_لو عايزه تحبي نفسك بطلي تلوميها وايه يعني غلطي عندك دلوقتي خبره وفرصه تانيه – اتعلمي وكملي
_لو عايزه تبطلي ندم سيبك من اللي فات مش هتقدري تغيريه ركزي علي اللي جاي .
_لو عايزه الناس تشوفك غاليه وتعملك حساب متجريش ورا حد مش مهتم بيكي خلي وقتك ومجهودك بس للي عايز يكون في حياتك.
_لو عايزه تبطلي خوف ماتفكريش بكره ممكن يحصل ايه امبارح خلص وبكره لربنا وانهارده ليكي .
_لو عايزه تبقي عندك ثقه في نفسك متحاوليش تثبتي نفسك لحد رأيهم مش هينقصك ولا هيزودك انتي مش محتاجه موافقتهم.
_لو عايزه تغيري حالك ارضي بالواقع عشان تعرفي تكملي .
دمتمي بسعاده وراحه بال
