ايماننا مني أن مصر بحاجه لقائد مصري مخلص يقودها الي بر الأمان ..السيسي منقذ مصر ..تعالوا معنا نقلب في سجل إنجازاته ..ونشوف بلدنا مصر ام الدنيا كانت فين وبقينا فين؟

أكثر من 30 ألف مشروع قومي

حصيلة إنجازات الرئيس السيسي في 10سنوات التي سيذكرها التاريخ

• مش السيسى اللى صنع الفقر فى مصر ولا هو اللى سكن الناس فى العشوائيات وخلاهم يسبحوا فى مية المجارى ويسكنوا في عشش صفيح وفي المقابر …
• مش السيسى اللى دمر التعليم فى مصر وخرج اجيال أمية بشهادات عالية .اجيال جاهزه تنضم للتنظيم الدولي للاخوان وللجماعات الارهابيه
• مش السيسى اللى ساب الحرامية تسرق أرض مصر والإرهابيين يحفروا أنفاق ملهاش عدد .
• مش السيسي اللي اهمل توعيه الناس بكثره الخلفه وعمل سياسات تحد منها لغايه مابقينا ١٠٠ مليون
• مش السيسى اللى جاب للمصريين السرطان من الاغذية المسرطنة وأمراض الكبد والكلى .
– مش السيسى اللى عمل فجوة بين الأغنياء اللى واصلين للسحاب والفقراء اللى غارقين فى باطن الارض وضرب الطبقه الوسطي .
• مش السيسي اللي خرب الحياه الحزبيه وضرب الحركه الوطنيه وافسدها وعمل فراغ سياسي تستفيد منه الاخوان وتستغله
– مش السيسى اللى ساب مصر من غير مشاريع قومية و دمر صناعة الغزل والنسيج وأوهم الناس إن مصانع الشيبسى و لبان سماره وشيتوس وكاراتيه هى دى الصناعة الوطنية .
– مش السيسى اللى ساب ثروات مصر غاز وبترول من غير مايطلعها فى أوقات الإستقرار .
– مش السيسى اللى أهمل سيناء والصحراء الغربية وكل أرض مصر المترامية الاطراف .
– مش السيسى اللى دمر الزراعة و أهمل الطرق و كبر دماغة عن البنية الأساسية وساب اللى يخالف فى البناء يخالف واللى يهبش يهبش .
– مش السيسى اللى ساب الناس تعتدي علي النيل وتدمر مجراه
– مش السيسي اللي دمر الإعلام وربى جيل من الإعلاميين الثعابين اللى رضعوا نفاق ودولارات وإتفطموا على خدمة مصلحتهم ومصلحة اللى مشغلينهم .
– مش السيسى اللى إتسبب فى إغلاق المصانع والشركات وتشريد العمال و تدمير قطاع السياحة وإهمال الاثار
– مش السيسي اللي اهمل علاقاتنا الافريقيه وخلي اثيوبيا تعمل اتفاق عنتيبي
– مش السيسي اللي اهمل التعليم وخصص له ٦٪‏ من الميزانيه ٣٠ سنه وخلي التعليم يبقي في البيوت والسناتر .
• مش السيسي اللي اهمل الصحه وخصص لها ٣٪‏ طول ٣٠ سنه وخلي مستشفيات الدوله خرابات وخلي كل واحد يتعالج علي حسابه في المستشفيات الخاصه ونشر البزنس في صحه الناس وحياتهم

• مش السيسي اللي سابها بطن حمار وخلي الفساد يبقي للركب وخلي الاخوان يستغلوه ويحكموا مصر قصدي يخطفوا مصر
أه وعهد الله مش السيسى اللى عمل كل ده بالعكس هو اللى بيشتغل علشان يحل كل دة فى وقت واحد وبيحاول ويجتهد ويجاهد علشان يصلح اللى أفسدتة عقود طويلة فى اربع سنين !!
إنتوا عاوزين ايه من السيسى؟!

#فهموا
الناس اللى تعبت من العيشه ان السيسى مش سبب الغلاء وان لو جيه مليون واحد غير السيسى مش ها يقدر يعمل 1% من اللى بيعملو السيسى من اجل مصر والمصريين .

فهموا الناس ان احنا فى اشد اوقات الحرب .

فهموا الناس ان الحرب بدات من بعد انتصار اكتوبر .

فهموا الناس ان #عبد_الناصر قتلوة علشان كان عاوز يخلى مصر حره وقويه.

فهموا الناس ان #السادات قتلوة علشان كان عاوز يبنى مصر ويخليها قوى عظمى .

فهموا الناس ان #مبارك كان عارف حجم الحرب اللى كانت بتدبر لمصر بس ما قدرش يعمل حاجه علشان العرب كانو مغيبين وفى الاخر سلم الرايه للجيش يتصرف .

فهموا الناس ان #مرسى عمره ما حلم انه يبقى مساعد موظف فى مكتب الرئاسه لكن اسياده جبوه كمبارس علشان بمثل دور اكبر من قدراته .

فهموا الناس ان اللى بيتحكم فى المصريين هما الفسده المفسدين اصحاب الثروة الكبيره واللى لو مشيت وراء اصلهم ها تعرف ان ابوة وجدو ما كانوش اغنياء .

فهموا الناس ان #السيسى لما رفض يكون قراره من الصهاينه والامريكان زى اللى قبلوا .

عملوا معاه كل اللى يخليه يركع تحت رجليهم وما قدروش لانه محارب قوى وشريف وعنيد .

عملوا اقوى هجمات ارهابيه على مر التاريخ وكل يوم كنا بنلاقى قنبلة مزروعه او مرميه فى الشارع وما ركعش .

ضربوا السياحة علشان يشردوا العاملين فيها وما ركعش.

ضربوا محطات الغاز وابراج الكهرباء علشان المصانع توقف والناس تتشرد وما ركعش.

قالوا عليه انقلابى وعملوا مقطاعة دوليه ضدة وما ركعش .

خلوا بعض الدول العربية الصديقة تبعد عنه وما ركعش .

عملوا احتكار للعمله وللسلع التمونية علشان يتحكموا فى الاسعار وما ركعش .

حاولو كتير يهددوة او يغتالوة وما ركعش .

فهموا الناس ان السيسى بطل وربنا عز وجل هو اللى بعته لمصر وهو اللى حفظه لمصر وهو اللى بيدبر له الامور.

فهموا الناس وما تعملوش نفسكوا فاهمين وهمه جهله ومغيبين .

فهموا الناس وبسرعه وبالحاح واوعو تزهقوا او تملوا من شرح الحقيقة .

فهموا الناس لان المصريين كلهم لازما يتحدوا والكل يبقى ايد واحده .

فهموا الناس علشان اللى مش فاهم ان الاوان انه يفهم ..

– اول رئيس بيسألوه بتجيب فلوس منين..
– اول رئيس يقولوا له كفايا مشاريع
– قطعوا عنه البترول
– وربنا اراد يكون عندنا اكبر حقل غاز + اربع حقول غاز اخرى
– قطعوا عنه السياحه وتحويلات المصريين
– زاد الاحتياطي من 15 الي 44 مليار دولار لاول .
– حاربته المانيا في البدايه !!
وبعدين اعطته محطات كهرباء ب9 مليار دولار اكبر 3 محطات كهرباء بالعالم
– قالوا له شعب مصر فقير !!
فاصطف الشعب امام البنوك واعطوه 64 مليار في 7 ايام
– حاربته معظم دول العالم واتهموه بانتهاكه لحقوق الانسان !!
وبعدين انتخبوه عضو بمجلس الامن
– قالوا مصر غير امنه !!
فسلموه مسئولية لجنة مكافحة الارهاب في العالم
– تحالفت دول الخليج ضده مع قطر وتركيا !!
وسرعان ان عادوا اليه ضد قطر وتركيا
– بلدنا كانت الكهرباء بتقطع فيها بالساعات !!
دلوقتي عندها فائض 11 الف ميجا وات و هتبتدى تصدر كهرباء للعالم .
بلدنا بعد ما كانت اكبر دولة في العالم مريضه بفيروس c !!
دلوقتي احنا بنعالج العالم كله من الفيروس وعالجنا مليون ونص مصري منه .
بلدنا بتزرع مليون ونص فدان ولسه باقي المشروع 5 مليون فدان ،
علشان يغطي احتياجات البلد وهنصدر كمان .
بلدنا الوحيد المستقر في المنطقة كلها .
بنمتلك اقوي جيش في المنطقة و ال 10 ع مستوى العالم .
بلدنا بتعمل 4 مفاعلات نووية .
بلدنا اتعمل فيها 4 انفاق تحت قناة السويس علشان تربط سيناء بباقي مدن مصر .
بلدنا بتعمل مدينة متكاملة في صناعة الاثاث علشان نغزوا بيه الاسواق العالمية
بلدنا بتعمل مدينة متكاملة في صناعة الجلود علشان بردوا تغزوا بيها الاسواق
العالمية .
بنحارب الفساد وكل يوم لازم علي الاقل فاسد يقع .
استثمارات بتروليه كتيره للبحث والتنقيب عن ثرواتنا
وكلها سنتين وهنصدر غاز طبيعي .
بنحارب الارهاب في سينا بضربات استباقيه للقضاء علي الارهابيين ،وبنحارب داعش في ليبيا .
بلدنا بتبني دوله جديده ) العاصمة الادارية الجديدة ( ودي قد مساحة سنغافورة .
بلدنا دخلت مجلس الأمن الدولى في اول مره في تاريخها .
بلدنا بقت اول اقتصاد في قارة افريقيا لأول مره في تاريخها .
بلدنا دخلت شريك مباشر بنسبة 15% في الحقول البتروليه العراقية
بلدنا هي الاقرب من اعمار ليبيا بشهادة حكومتها .
بلدنا بتسلح الجيش الليبي بطيران ومدرعات .
بلدنا انهت قصة طوابير العيش والغاز والتعدي على املاك الدولة .
بلدنا الان اصبحت لما بتمشي في الشارع ولما بتشوف قوات امن بتطمن
ومبقتش بتخاف من الشرطة زي زمان ) ده لو انت ماشي سليم ( .
بلدنا بتقضي علي العشوائيات بمجمعات سكنية جديدة ادميه .
كل يوم استثمارات اجنبيه وعربية في كل المجالات .
بلدنا عملت قناة سويس جديدة ، اثبتت للعالم ان الشعب واقف في ظهر القائد
وبتثق جدا فيه ، واللي يقولك بتخسر قوله ماشي وسيبه وامشي .
بنسلح الجيش بأحدث منظومات التسليح في العالم رغم ظروفنا الاقتصادية
الصعبة .
بلدنا بتسعي لحل مشاكل الجوار ) ليبيا وسوريا والعراق واليمن وغيرهم (
واثبتنا للعالم انه لا حلول الا بموافقة الادارة المصرية .
بلدنا قضت على التبعية الأمريكية ،
وبقينا بنحط ادينا مع اللي عاجبنا واللي مش عاجبنا هنديله ٠٠٠٠٠٠٠ .
بلدنا بتاخد رخصة بناء لنشات حربية مقاتلة .
بنعمل بنية تحتية جديده وشبكة طرق جديده وكاننا بنبني دولة من جديد .
بلدنا بتعمل اكبر مزرعة استزراع سمكي في الشرق الأوسط
وهيتم افتتحها اخر الشهر .
⁧⁧بلدنا بتعلن عن إنشاء مدين