بقلم الدكتورة : غادة الشرقاوى

…….متكلمنيش دلوقتي عشان انا مدايق _معلش مخنوق شويه مش عاوز اتكلم

؛؛ لما حد يقولك كده ابعد عنه فعلا واحترم مشاعروا اوعي تضغط عليه يتكلم او يتناقش لانه فعلا بيكون مدايق ومخنوق

.. تعالو نفسر الكلمتين دول

:يعني مش في حاله اتزان ولا ادراك كامل لافعاله وانه فعلا ممكن جدا يصدر منه تصرفات خارج حدود المنطق والعقل ولانه خايف علي زعل اللي حواليه ف بيطلب وقت لنفسه يهدي ويرجع لحالته الطبيعيه او شبه طبيعيه وساعتها هيتكلم ويتناقش بهدوء بدون ما يخسرحد

.. الحقيقه ان دراسه التنميه البشريه حللت الاشخاص دول وصنفتهم انهم اصدق اشخاص ممكن تتعامل معاها لانها بتعمل حساب لكل كلمه وحساب لردود افعالها

. بالمقارنه بالاشخاص المتسرعه اللي  بتاخد قرارات سريعه وردودها كمان سريعه والنتيجه انها بتغلط وبتخسر وترجع تعتذر وحجتها اصلك نرفزتني او عصبتي وطبعا ده مش صح.

العلاقات الانسانيه كلها اعتمدت علي احترام مشاعر الغير و السلوك المتوقع والغير متوقع كمان

. نراعي بعض يا جماعه وناخد بالنا من كلامنا

…. وعشان ملهاش اعاده يلا نعيشها بسعاده

.. دمتم في صحه وراحه بال