بقلم : الدكتورة غادة الشرقاوى

كلمات في حب امي

رحمه الله عليها

اقبل أمك زى ما هى

_اوع تقف تحاسبها انت قولتى كذا والا عملتى كذا

الام ما تتحاسبش ولا تتعاقب ولا تحسسها بالذنب

ماتحاولش تغيرها ولا تعدلها‼

انت ما شفتش هى عاشت قبلك ازاى ولا حصل معاها ايه علشان انت توصل للمرحلة دى .

_ارحموا امهاتكم من السخرية والزهق منهن أو الإحساس بالضجر

أصل هى مرت بمراحل كتير وابتلاءات أكتر وهموم كتير علشان توصل انك تبقي راجل وانتي تبقى ست البنات .

_اوع تفكر تحاسبها على تصرفاتها معاك ، كان زمان لها طاقة وجهد خلص وانتهى بتربيتك .

_ماتبخلش عليها باهتمامك ولا بمالك حتي لو هي مش محتاجه وخليك فاكر ان البار بامه هو اللى بيعمل كل طيب لها من قبل هى ما تطلبه☝️،،، و اوعى تستكتر عليها فلوس دا الخير والبركة والكنز والجنة تحت رجليها ،،، متبقاش غبى😡 .

_لو تعبانه اجري بيها وعالجها ،،، أصل هى دى اللى مكانتش بتقبل عليك تقول آه ، فاكر وانت صغير والدكتور بيقولك بتشكى من ايه ؟ وانت تبص لأمك علشان تحكيله هى انت بتشكى من ايه😥 .

_اوعي تخلي مراتك اوتخلى جوزك او عيالكم  او شغلكم أولوياتكم عنها

❤️‍🩹بلاش تلغوا الام ف كل امور حياتكم علشان للاسف هتجنوا ثمرة الإلغاء ده ،،،

دائن___تدان 👌

” اكرم اباك وامك لكى تطول وتنعم ايام حياتك ، الا قد بلغت اللهم فاشهد🤚 ”

تأمل قوله تعالى : (وقضى ربك ألا تعبدوا إلا إياه وبالوالدين إحسانا إما يبلغن عندك الكبر أحدهما أو كلاهما فلا تقل لهما أف ولا تنهرهما وقل لهما قولا كريما) .