بقلم / شيماء ربيع

الحلو فى الحب

أنك تعدى ،،،، ما تفضلش مركز فى الغلط ،،،،،

الحلو فى الحب الأحتواء ،،،،، الأهتمام ،،،،

المشاركة أنك تشاركنى تفاصيل يومك ،،،

المشاركة فى الأمك ،،، المشاركة فى فرحك

المشاركة فى كل شئ ،،،،

الحب مش مجرد كلمة تتقال الحب أفعال

مين قال أن الحب بالكلام لو الحب بالكلام

الكل بيعرف يغنى ويلحن والكل بيعرف يتكلم

غلطان اللى يصدق أن الحب بالكلام الحلو

المعسول !!!!!! !!!!!!! !!!!!!

أوقات بنكون محتاجين الكلام فعلا فى أوقات

معينة،،،،،،، نسمع كلمة حلوة كلمة حب تحسسك

أنك عايش وموجود ،،، تحسسك بالأمان

والأطمئنان ،،،،تحسسك أنك عايش وموجود

ممكن كلمة تطبطب عليك ،،،

الحب أحساس ،،،،، الحب أمان ،،،، الحب أنك

تغير على حبيبك أو حبيبتك الغيرة حب

نادر جدا لما تلاقى شخص يحب بجد

أوقات تلاقى أشخاص كتير بتتكلم على الحب

وهما ما عندهمش أحساس من الأساس طيب

هتحب أزاى وأنت معدوم الأحساس !!!!!!

وتصرفاتك بتكون ظاهرة أنك مش عارف

تحتوى يبقي بتحب أزاى مهو أساس الحب

الأحتواء

زمان كان فى حب وكان نادر الوجود أيام زمان

الأيام الجميلة بتاعت زمان راحت وراحت

أيامها الحلوة ايام الافلام الابيض وأسود

أد ايه شادية وعبد الحليم أبدعوا فى الحب

صباح ورشدى أباظة كنت تحس أنهم بيحبوا

بعض بجد مش مجرد تمثيل

كل حاجة بالأحساس بتوصل

أما حاليا اللى يقولك بحبك بيحبك لهدف

بيحبك لشئ ما فى نفسه ،،،

ليه نكدب بأسم الحب مع أن الحب أسمى شئ

فى الوجود

من غير الحب هنعيش أزاى وهنعيش ليه

الحب أحساس جميل بالحب بتحس أنك عايش

لحد موجود عايش علشان حد بتعمل كل حاجة

حلوة علشانه علشان تسمع منه كلمة ترضيك

وتفرحك طول ما حد بيشجعك أنت بتحس

أنك موجود ،،، طول ما بتحس أنك فارق مع حد

أنت موجود ،،،

علشان حد معين لأنه فارق معاك يبقى موجود

معاك فى تفاصيل يومك وفى حياتك كلها

لكن الفعل هو اللى بيبين الشخص دا

بيحبك ولا لا

الحب أنك تقولى الصح من الغلط

الحب تقدير ،،،،، الحب كرامة ما فيش حد

يقولى ما فيش كرامة فى الحب أكبر غلط

فى كرامة فى الحب طبعا لأن كرامة حبيبك

من كرامتك والعكس كرامة حبيبتك من كرامتك

أن يبقي الطرفين مش مُهتمين مين غلطان

فيهم علي قد ما مهتمين يصلحوا من بعض,

مش عايزين ياخدوا حقهم من بعض,عاوزين

يكونوا ديماً مع بعض, فرق كبير ما بين واحد

بيحبك من قلبه وواحد مستنيلك غلطة عشان

يردهالك وياخد حقه منك, فرق كبير ما بين

واحد بيعلمك وبيعاتبك بذوق وواحد كل همه

يثبت لك إنك غلطان وأنه لازم ياخد حقه

منك ..
الحب اللي فيه حرب وعداوة مبيدومش “