بقلم / شيماء ربيع

في بداية مقالي يمكن الاسم هيشد

القارئ للوهلة الأولي بس مقالي بسبب موت

الغفلة والموت المفاجئ

مش عارفه أبتدي كلامي أزاي مهما قولت ومهما

وصفت ومهما أتكلمت مش هقدر أوصف

أحساسي أو شعوري

الدنيا بقت بتأخد الناس فجأة والغاليين علي

ذويهم وأقاربهم

من كام يوم عريس وعروسة أتوفوا بعد

دخولهم شقتهم بساعتين بس بسبب تسريب

الغاز في الشقه

في ناس طلعت تنتقد العريس لانه كان قبل

زوجته في القاعة بعد كتب الكتاب

العريس حاليا والعروسة ما تجوز عليهم غير

الرحمة وان ربنا يصبر أهاليهم بعد ساعات قليله

جدا لا تذكر من الفرحة يتلقوا خبر وفاة أبنهم

وبنتهم ( العريس والعروسة )

وفي الاخر بدل ما الناس تفوق وتتعظ للأسف

بنيتقدوا العريس علي أنه قبل زوجته هو عمل

كدا أمام الجميع وفي العلن وفي الحلال بعد ما

ممسك المايك وقال أنه حقق كل اللي كان

بيتمناه وأنه تعب لحد ما وصل لحلمه وأتجوز

عروسته اللي أتمنها وحبها

حكايه أنه قبلها امام الجميع في الفرح مش

عيب ولا حرام دا دليل علي فرحته بعروسته

وشغفه ليها بعد وقت طويل من تحقيق حلمه

علشان تطلع الناس بعد ممات تقول يستحق

هو وهي أنهم ماتوا ليه كدا !!!!!! أنت مش القاضي والجلاد

في ربنا الحكم العدل

هو عمل كدا من فرحته بعروسته ويوم فرحه

ليه الناس بستكتر الفرحة علي الناس

ليه الناس ما وراهاش غير النقد وبس

أفرحوا لغيركو ,,,,, أتمنوا الخير لغيركو،،،،

علشان تنالوا ما تتمنوا للأخرين

الدنيا دي عجيبة وغريبة فعلا !!!!!

أمتي الناس هتفوق ،،،، ليه الغفلة ،،،،

ليه الانتقادات العجيبة والغريبة

العريس أتقال عليه كلام صعب جدا !!!!!!

دا خرووووف وأزاي يرضي يعمل كدا أقدام

الناس ويبوس مراته !!!!!

مش هقدر طبعا للاسف اكتب بقيه الانتقادات

والغلطات السخيفه اللي اتقالت علي العريس

لانه مات

الله يرحمه

الناس بتقول انهم ماتوا بسبب الحسد

يجوز الحسد مذكور في القران ،،،، والعين حق،،

من حوالي عشرين يوم او اكتر مات عريس أسوان في القاعه داخل الفرح امام الجميع

أستوقفني اليوم موت عريس وعروسه بعد دخلوهم شقتهم بساعتين

أحنا أمتي هنفوق ونتعظ ،،، أمتي هنرجع لربنا،،
امتي هنبطل نجيب سيرة دا ودي ،،،، امتي هنبطل ننتقد ،،، امتي هنبطل نتاجر بالاعراض،،

امتي هنبطل التريندات ،،،،

كفايه كدا ،،،، اليوم انت بتنتقد العريس وهو من وجهة نظري ما غلطش ودا حقه هتقول
مش قادر يصبر لحد ما يرجع البيت أه فرحان
والفرحة اوقات بتخلينا نعمل حاجات كتير واحنا مش حاسين غير بنفسنا وبس وفرحتنا وبس

اللي بينتقد العريس مش خايف وانت بتتكلم عليه تموت فجأة ليه ما فكرش كل واحد كتب عليه كلمه سخيفه وأنتقده أنه ممكن يموت في نفس اللحظة

الموت قادم لينا جميعا لا مفر ولا محالة

فقوا وكفايه بقي انتقادات وسخافه فاضيه

نتقي الله في نفسنا وفي غيرنا

ونطلب من ربنا المغفرة والرحمة بعد كل اللي بنسمعه وبنشوفه الايام دي

ربنا يرحمنا برحمته ومغفرته ويحسن ختامنا

جميعا