بقلم : ريهام محمود

ميغركش

ناس  بيوتها واسعه

ناس راكبه آخر موديل

ناس ولادها متفوقين

ناس فى وظائفها مرموقة

انت شايف إللى من بره لكن مش عارف هما وصلوا لكده ازاى

ربنا معطى  كل واحد ال ٢٤ قيراط بتوعه

يعنى واحد

٥ صحه + ١٠ اولاد + ٩ مال =٢٤ قيراط

واحد تانى

١٢ بر الوالدين + ٢ مال + ٧ زوجه صالحه+٣ اولاد

=٢٤ قيراط  بردوا

بس الاهم من كل ده أن من  حكمه ربنا يعطيك المناسب ليك يعنى إللى تقدر تتحمل انه يتمنع عنك يمنعه و إللى متقدرش  يعطيك فيه

يعنى ناس تقدر ميكنش عندها ولاد لكن متقدرش تعيش من غير ما تكون باره  بأهلها

ناس تتحمل المرض لكن متتحملش الفقر

و العكس

كل واحد شايل على قده

كل واحد شايل شيلته

كل ما تفكر فى كده تقول سبحان الله فعلا

كما قال تعالى ( لا يكلف الله نفسا الا ما اتاها)

فالحمد لله على نعمه المناسبه لينا

و يارب ارضينا باللى ملكته ايدينا

و لا تجعلنا ننظر الى ما لم تملكه ايدينا