بقلم : الدكتورة غادة الشرقاوى

……..من نعم ربنا علينا نعمه الشعور والاحساس نعمه الشعور .والانسان الناضح لازم يقدر النعمه دي ويستغلها ويعيش بيها احلي سنين عمره .

والسؤال باه هل المشاعر تشيخ — ويعني ايه شيخوخه المشاعر ؟

…..الحقيقه استوقفني السؤال ده ف محاضره من محاضراتي وقعدت افكر فيه فعلا امته المشاعر تشيخ وايه الاسباب وهو فعلا ممكن يحصل .

لقيت الاجابه عليه منطقيه جدا – يشيخ الانسان بالسن ولا يشيخ بالاحساس والشعور

نتكلم ببساطه اكتر ومثال  بسيط —- الله عز وجل خلق القلب دينامو الجسم مع الكبر في السن بتضعف عضله القلب وتقل كفائتها ولكن بيفضل الاحساس والمشاعر فيه بنفس قوتها وتختلف من شخص لشخص ويمكن تزيد مع الاحتياج للاهتمام والخوف من الفقد والوحده .—- أما كتره الصدمات وانك تهون ع اللي بتحبهم ومؤثرات الحياه و تغير المود كذا مره في اليوم بسبب ومن غير سبب بنوصل للنتيجه الحتميه ف اخر الطريق شيخوخه مشاعر..وياما ناس مرت في حياتنا ناس كبار في السن وقلبهم شباب كله طاقه ومغامر مبتسم كأنهم في منتصف العمر .وارجع واقول عندما الحياه تسقي بماء الحب والرحمه والموده تثمر اكسير الحياه .

دمتم بصحه وراحه بال