بقلم الدكتورة : غادة الشرقاوي 

من أصعب المشاعر والأحاسيس إحساسك إنك مقسوم نصين _نص عايش واقع حقيقي بكل تفاصيله واحداثه وعيوبه ومميزاته لكن عقلك رافضه ويمكن قلبك كمان مش حاسه ومقفول منه .بس مضطر تعيش وتكمل وتقف ادام الناس إنك تمام ومتقبل حياتك وراضي ومعندكش مشاكل .
ونص عايش ف عالم موازي بيحلم بواقع تاني خالص .واقع بيتمناه وعاوز يعيشوا ويرتب أحداثه وأفراده حتي يومه بيحلم يمشيه ازاي .
الحقيقه أن قرأتي المستمره لعلم النفس ومعلوماتي المتواضعه :
أكتشفت ان الانسان ممكن يعيش سعيد من خلال العالم الموازي ده وأنه كمان ممكن يهون عليه مشقات ومصاعب الحياه وأحيانا كتير بيكون دافع للخروج من الحاله المزاجيه اليوميه .سواء كانت من ضغط العمل أو مؤثرات الحياه
وغالبا الناس دي قليله الكلام ودايما منفرده بحالها لانها دايما ف حاله احلام ف خيالها للعالم الخاص بتاعها ___ ناجحه جدا ف شغلها وعلاقتها بالناس طيبه ومتعاونه وليهم صداقات كتيره
ولكن يبقي الجزء الخاص بيهم خط احمر صعب اختراقه ولا حتي البوح بيه لحد .
طيب نرجع للسبب الاساسي للانشطار الروحي كتشفت اسباب كتيره بس غالبا وده اهمهم بيكون نتيجه صدمه التعلق او الفقد أو مصيبه الخزلان أو الانطواء من الصغر في تكوينه النفسي .
رفقا بمن لا يحتمل العيش ف واقع مرير
دمتم بالخير والمحبه