بقلم / شيماء ربيع

نفكر في ربنا وبس الدنيا دي فانية

أحنا ضيوف علي الدنيا دي

الحياة الأبدية هي الآخرة

كلنا بنجري جري الوحوش وفي الأخر اللي مكتوبلك وبس هو اللي هتأخده لا أكتر ولا أقل

نفكر في ربنا أفضل في رضاه ، في كرمه علينا ،

في عفوه علينا ، في نعمه الكتيرة علينا التي

لا تعد ولا تحصى ، في النعم اللي ربنا أنعم علينا

بيها ،

حبوا ربنا وبس أكتر من اي حد

كلنا بلا استثناء ، ما حدش فينا راضي بحاله

ولا المتجوز راضي ولا المنفصل راضي ولا اللي عنده عيال راضي ولا اللي اتحرم من العيال راضي ولا الغني راضي ولا الفقير راضي

ليه عدم الرضا

مع أننا لو أقتنعنا بقول الله عز وجل

( : {قُلْ أَؤُنَبِّئُكُمْ بِخَيْرٍ مِنْ ذَلِكُمْ لِلَّذِينَ اتَّقَوْا عِنْدَ رَبِّهِمْ جَنَّاتٌ تَجْرِي مِنْ تَحْتِهَا الْأَنْهَارُ خَالِدِينَ فِيهَا وَأَزْوَاجٌ مُطَهَّرَةٌ وَرِضْوَانٌ مِنَ اللَّهِ)

كلنا بتيجي علينا لحظة وعايزين كل حاجة

من الدنيا مع أننا لو فكرنا للحظة هنلاقي أن

ربنا من علي كل واحد فينا بنعم كتير

بس أحنا في غفلة كبيرة للأسف

اللي معاه فلوس ومبسوط بيسعي للزيادة

وعايز يكوش علي الدنيا مع أنها فانية

واللي مش معاه ناقم وساخط علي غيره

مع أن ربنا إذا أراد شيئًا أن يقول له كن فيكون

الحياة دي لهو كبير ، كلنا ملههين للأسف

بحاجات كتير ،

وناسيين نفكر أحنا بنرضي ربنا ولا لا

أحنا بنعمل لأخرتنا ولا لا ، أنت وهي فكرت في آخرتك وعملت ليها ، زي ما بتفكر في المستقبل وتخطط ليه المستقبل بأيد الله

فكر هتعمل ايه لأخرتك عد العدة ليها وبس

بنقابل ناس وبنبعد عن ناس بنعمل بزنس

بنعمل فلوس وبعدين !!!!!!!!

ياريت كل واحد فينا يفكر في أخرته لأنها الحقيقة الوحيدة اللي في حياتنا كلنا فاكرين أننا مخلدين ما بنفكرش في الموت وكأنه مش جاي
وموت الغفلة زاد جدا في الأونة الأخيرة

لما نموت هيجي علينا الوقت اللي هنقول ياريت لو نرجع تاني ولو لثواني علشان نعمل حاجات كتير ترضي ربنا

كل واحد فينا يبدأ بنفسه يتقي الله في نفسه
قبل غيره ، يبطل كدب ، يبطل ينافق ، يبطل
يوعد وما يوفيش ، يبطل يعافر في الدنيا دي

اللي من نصيبك هيصيبك

أعمل اللي عليك وسيب الباقي علي رب العباد

عجبت للناس بتستعجل كل حاجة في حياتها

وبتسابق الزمن

نفسي أفهم بتسابق وبتسارع علي ايه

والمكتوب ما فيش منه هروب

المكتوب مكتوب ربنا يكتب علينا جميعا كل الخير ويسعدنا برضاه وكرمه علينا ويمن علينا بالصحة والستر

أطلبوا الستر والصحه فقط

لأن ستر ربنا لو أتزال عننا

إذا زال ستر الله، اتكشفت الذنوب اتكشفت الفضايخ اتكشفت العيوب أمام الناس علنا

عاقبة فقدان الستر الفضيحة وانكشاف الذنوب والأخطاء علي الملأ

ربنا يمن علينا بستره الستر نعمة

ربنا يسترنا جميعا دنيا وآخرة