بقلم / شيماء ربيع 

    معظمنا بقي للأسف عبد لشاشة تليفون

في زمانا حاليا يصدق الكاذب ويكذب الصادق

للأسف أحنا في زمن حاليا بيشجع التفاهات

الحاجة التافهه دلوقت هي اللي بتسمع وتبقي تريند

والحالة اللي ليها قيمة وبتفيد الناس ولا لايكات ولا مشاهدات

ليه زمانا بقي بالشكل دا

ليه مجتمعنا بقي كدا …… فين زمن النجاحات

والقامات بجد

أحنا في زمن بيشجع الغلط ….. زمن بيشجع

التفاهات ….. وتقليل الذات …..

ليه الحاجة الناجحه حاليا ما بقاش ليها قيمة

بدون ذكر أسماءأشخاص… وبدون ذكر أسماء برامج تافهه ما لهاش اي قيمة وتعالوا نشوف الريتش

والمشاهدات عالية جدا

بالريتش والمشاهدات عالينا من قيمة الشخص

التافه

الناس ليه غيبت عقولها بالشكل دا !!!!!!!!!!!

السوشيال ميديا الناس للأسف فاهماه غلط

ليه ما نستخدمش السوشيال ميديا في الصح

نعلي من شأننا … نعلي من ثقافتنا … نعمل حاجة تفيدنا وتفيد بلدنا وتفيد شبابنا وتفيد بناتنا

للاسف في برامج كتير ياريت تتقفل خالص

النت في بيوتنا كلنا وبشكل سئ للاسف وسلبي

هنسيطر أزاي علي ولادنا وبناتنا

اللي بقي مسيطر علي العقول اللي بيتشاف وبيتسمع،،،،،، لحد أمتي هنفضل مغيبين بالتريند

والريتش وبس

فين المبادئ ….فين القيم ….فين الاخلاق …

فين السمعة الطيبة ….

زمان كان في حاجات عيب وما يصحش

دلوقت المحترم معيوب وفيه حاجه غلط

اللي ماسك علي دينه كأنه ماسك علي جمرة من نار

الغلط غلط ..والصح صح …ولا يصح الأ الصحيح

للاسف أحنا اللي بنكبر الناس الغلط

احنا اللي بنعليهم ونكبرهم للاسف

بأيدنا بنعمل ليكات ونعلي المشاهدات

وبندخل الغلط في بيوتنا وبيوت الآخرين

لو كلنا وقفنا ضد الغلط والفساد

أكيد هنعمل حاجه …. لكن معظم الناس مستلمة

في اللي بيهاجم … وفي اللي بيتهاجم ….

خلينا نقف مع الناس الصح ونقلل من الناس الغلط ونحاربهم بكل الطرق

تحياتي للعقول الراقيه اللي هتستوعب مقالي

وتفهمه كويس

أنا مش ضد السوشيال ميديا بالعكس

أنا مع الحاجة الناجحه المحترمة اللي تسمع علي حق

الحاجة اللي تسيب بصمة في بيوتنا كلنا

فين أيام ما كلنا كنا بنستني القناة الأولي والتانيه

ونستني تاكسي السهرة … ونتلم كلنا ونتفرج علي مسرحيه أو فيلم او حفله

كانت ايام جميلة فيها جو الأسرة واللمة الحلوة

ربنا يرحمنا برحمته وترجع كل حاجة تاني صح

وترجع القيم والمبادئ وأحترام الذات