رئيس التحرير

الاعلامية شيماء ربيع تكتب : لا أمان في هذا الزمان

الأحد 22-11-2026 19:10

بقلم / شيماء ربيع

أيه معني أنسان ؟؟؟؟؟؟؟

أنسان يعني جواه رحمة أنسانيه

جواه بني أدم طيب حنون خدوم مسالم

مش جواه شر وغدر وأنتقام

دا كدا مش أنسان ولا بني أدم

ولا يطلق عليه لفظ انسان

أزاي أنسان يقتل ، ويقتل مين أولاده

طب أزاي هل أحنا في آخر الزمان

ولا أيه بالظبط !!!!!!

كلام العقل مش قادر يستوعبه

وحكايات أغرب من الخيال

مذيع وهو في الاول وفي الاخر المفروض يكون

بني أدم مهما كان منصبه أيه أو وظيفته

أزاي يا شيخ يا متدين يا بني أدم يا انسان

جواك القسوة دي والغدر دا تقتل

وتقتل مين أولادك طب أزاي قدرت تعمل كدا

أزاي !!!!!! قلبك كان فين ، حنيتك فين ،

اشتياقك وحبك لاولادك كان فين ،

سهرك وتعبك اللي تعبته في يوم من الأيام

علشانهم كل دا راح فين

ما صعبش عليك أبن منهم وأنت بتضربه ضرب

أفضي إلي الموت

فين الرحمة ، فين الأنسانيه ، فين الأبوة

حرام عليك قسوتك دمرت روحيين جسدين

أطفال ملايكة دا كفاية شكلهم الجميل الملائكي

ربنا أداك نعمة ولدين بسم الله ما شاء الله

أزاي قدرت تعمل كدا مش قادرة أستوعب

أزاي قدرت تضرب فيهم لحد ما ماتوا

ليه كل دا !!! بتربيهم عمر التربية ما كانت

بالشكل دا

وأمهم اللي قلبها أتقطع من الحسرة علي ولادها

الاتنيين ليه!!!! هل أنت عملت كدا بتنتقم من

أمهم فيهم

ولا بتنتقم فيهم من أمهم

والاب التانى اللي رمى بنته في الترعة

علشان أشترت كيس شبيسي وما دفعتش تمنه

وأستدراجها للترعة ورمها كأنه بيرمي مخلفات

قمامة

هانت عليك ضانك ، هانت عليك الطفلة البرئية ،

هانت عليك بنتك اللي بتسمع منها كل يوم كلمة

بابا ، هانت عليك وهي بتستنجد بيك علشان

تنفذها

عملت كدا أزاي !!!!

نفسي أقدر أستوعب في التوقيت دا أيه اللى

بيحصل بالظبط لكل أب بيقتل عياله

هل الاب دا بيكون شارب يعني مش في وعيه

يعني مغيب ولا أيه بالظبط

ما فيش اي مبرر لأنعدام الأبوة ، لأنعدام الضمير ، لانعدام الاخلاق

أيه اللي بيحصل دا !!!!!!!

كل يوم جريمة جديدة بشكل جديد

وكل الجرائم جرائم ليها علاقة بالدم وصلة

القرابة ايه اللي وصلناله دا

والدكتورة رحمة الله عليها اللي فضلت في

شقتها ثلاث سنوات متوفية وما حدش حاسس بيها

ولا حد خبط عليها ولا أهل ولا جيران

ازاي دكتورة تفضل المدة دي ميتة في شقتها

وأخوها موجود وعلى قيد الحياة حي يرزق

قدرت ما تسألش علي أختك كل الفترة دي

قدرت تسبيها لوحدها كل المدة دي

فين نخوتك ، فين رجولتك ، فين أنسانيتك ،

فين صلة القرابة اللي بينكوا

ولما أتسال أزاي بقالها ثلاث سنوات في شقتها

متوفية وما حدش بيسال عليها كان رده

الوفاة طبيعيه لا توجد أي شبهة جنائية

يا سلام رد انسان لا يمت للأنسانية بأي صله

والرد الآخر هي من يوم وفاة زوجها فضلت

العزلة

طيب ممكن أنسان فعلا يفضل العزلة يوم اتنيين اسبوع شهر

أكتر من كدا لا !!! بيحتاج حد جنبه حد يواسيه

يطبطب عليه يأخد بأزره

يا أخى والله حرام عليك أنت هتتحاسب مرتين
مرة لقطع صلة رحمك ومرة تانية لان أختك ماتت وللاسف ولا أتغسلت ولا أتكلفنت ولا أتصلي عليه

حرام عليك أنت واى أخ زيك أنعدمت من جواه

الأنسانية والرجولة أنه يسأل ويطمن على أخته

ليه وصلنا لكدا فين صلة القرابة فين الدم اللي بيجري في عروقنا

الأب اللى ما بيسالش على بنته هيتحاسب

والام القاسية على بنتها هتتحاسب

والاخ اللى سايب عرضه وشرفه هيتحاسب

للدرجة دي الناس بقت عيشة من غير قلب

عايشة لجمع الفلوس وكسب لقمة العيش

فقط لا غير

دي غابة مش دنيا أبدا

لا أمان في هذا الزمان

عذرا لهذا الزمان

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *